عزيزي الشاب / ليلة الزواج انتبه تجيب فيها الغايبه ( جلسة شبابيه يمنع دخول العوائل )

M!SS HTLERH الخميس يونيو 30, 2011 5:06 pm

بسم الله الرحمن الرحيم ...

السلام عليكم ورحمة الله وبركاته ...
اجتماع للشباب خصوصا الي بيتزوجون الصيف ذا ..

اولا - مبروك للناجحين والناجحات .. وعسى تقضون احلى صيفيه واحلى اجازه في الدونيا

نرجع لـ محور حديثنا يا اعزائي الشباب :
< يلوح بيده الكريمه على معشر الشباب الحلوين
ابشروا بالخير ابشروا بالخير .. انتم في قلبي
فديت شباب السعوديه ياناس ... وش زينهم

الموهم ياكويسين ... اليوم موضوعنا مهم للغايه : موضوع شيق وحلو ،

خصوصا لـ الشباب ذوي الدخل المحدود " والشباب الكادحين :

الشباب الهاي هاي باي هاي كلاس ياي ... ماعليهم خوف من الي بأذكره اليوم " يقدرون يطلعون يلعبون كوره في الحوش ولا يطلعون البوفيه يفطرون < !!

طبعا نبارك لكل الشباب والبنات الي راح يدخلون الشبك الذهبي ومنكم المال ياشباب : ومنهن العيال ..

قالوا لي مره ان عبارة ( بالرفاء والبنين ) حرام مدري مكروهه مدري وش سالفة امها ... بس ما ادري ليه ، عموما تجنباً للشبهات ، ماراح اقولكم بالرفاء والبنين .. <

طبعا كلنا نعرف ان ليلة الزواج هي حلم يراود كل شاكوش مثلنا ياعيال ..
حنا شباب وعارفين بعضنا مضبووووط : الزواج عند الشباب السعودي صار خيال صعب المنال

قسم بالله ولد عمي مره اشفقت عليه " يقول ياخوي زوجوني ولو تكرونيه ياخي .. ابي احس اني اتعامل مع شخص مختلف ابي احس بالعاطفه والحنان والحب / وين ما اروح الاقي اشناب شنب شنب سكوسكه شنب شنب شنب ؟ كراع مشعر شنب شنب شنب ؟ ، خلاص كرهت منظر الشعر بالوجه : ابي اشوف روج ابي اشوف كحل في عين ابي اشوف شباصه في راس ! كرهت اشوف واحد يبتسم لي وسنونه مصفره من الدخان وبراطمه مثل كفرات الددسن ، كرهت اعيش حياتي بين الذئاب ابي اعيش حياتي مع الغزلان يابن عمي ! .

لكن من يلوم ابوي فيني يوم يقول ولدي اسد
طبطبت على ظهره وقلت ( للأسف يابن عمي " طول عمرك خروف ) هههههه

صراحه مالومه :
كلنا نعاني من نفس الشعور " نعاني من وجيه بعض ، لكن ( ويبقى الامل في الله كبير )

يبقى الامل ان يجي يوم وانا ماخذ زوجتي في الموتر وامر من قدام واحد من ربعي وما اسلم عليه ، وارجع لهم في القهوه في الليل واقول ياحيوانات الي ابن امه يدق بوري وزوجتي معي العن اصله تفهمون ؟ بلاش قلة ادب !؟ يعني الواحد لازم يعلمني انه مر من قدامي ؟ يقالك مبسوط اني شفتك !! ترى راس مالك عزابي تاخذ نفسك بعد شوي وتذلف تحضن مخدنك وتنثبر وتنام !!
اعوذ بالله وش هالحاله ياناس ... افففففففففف <<

< احلام ورديه لـ شخص منتهي عقله

لاتسوون لي فيها مؤدبين وثقل .. مثل بعض الشباب ؟ نقوله بشر متى تبي تتزوج .. يقول ياشيييييييخ فكنا موب فاضي للقروشه والارتباط وش ذا يابوي ؟ ابي افلها ابي اعيش حياتي !! وش هذا ؟ تبي توهقني في زواج انت ... موب صاحين قال زواج قال
وهو نصاب نعرفه ... صاروا عيالنا يخقون على اللون الاسود " يشوفون عبايه تطيح سعابيلهم

خلوني اقولكم سالفة حصلت في مطعم ...
مره دخلنا مطعم نتعشى ... وحنا جالسين على الطاوله وناكل فجأة وقفت سياره قدام المطعم ونزل منها سواق .. ومدري وين طس / وباقي في السياره وحده جالسه ورى ..
الموهم واحد من العيال بققت عيونه وطلعت على الطاوله .. وكل شوي يرفع راسه هو ورقبته الي مثل رقبة الزرافه " ،

خوينا ذا من قوة الهبال الي فيه صار يتهيئ له ان الي في السياره أشرت له .. قال بطلع ارقمها

وطلع ..

تعشينا وخلصنا وخوينا مارجع تأخر هههههههه

وطلعنا نشوف وش السالفه وين راح ؟؟
مرينا من قدام السياره الي واقفه قدام المطعم ... الا الي فيها شغاله هههههههههههههههههه
اذكر اني ضحكت لييييين بغيت افطس .. خوينا راح السياره وجلس " يقول جاني اتصال والله مانتهبت اصلا للي في السياره ومامداني اروح لمها ونسيت السالفه من لما قمت ههههههههههههههههههههه نصاب
عموما نرجع لـ محور حديثنا " الا وهو ( بعض الكوارث الي تحصل ليلة الزواج )

اولا ياشباب الي بيتزوج زواج جماااعي ،

1- انتبـــــه لاتضيع زوجتك وتركب معك وحده ثانيه غير زوجتك ههههه
تأكد ان الي طلعت لسيارتك زوجتك ..
لان بعض البنات الله يهديهم من الرجه والدجه تطلع ولا تناظر اصلا في وجه الاطخم الي تبي تركب معه .. مدري هي خجل !! بس اتخذ الخطوات التاليه ..

1- لازم امك او اختك او قريبتك تطلع مع زوجتك وتركبها السياره .. علشان ماتدج
2- خلك على اتصال معها اذا قدرت .. حاول تستقبلها او تركبها او تطلع معها من صالة الحفل الموهم دبر عمرك ولا تفهي وتجيب العيد ...
حالات كثير حصلت ان شباب يركبون معهم زواجات غير زوجاتهم < مدري شلون اوصف لكم هههههه

يقولون مره حصلت .. وحده ركبت مع واحد مب زوجها في الزواج الجماعي " ولما طلع بالسياره واخذ مشوار طويل .. البنت من الخوف ماقدرت حتى تتكلم او تصرخ او تقول وقف انا مب زوجتك .. وتفأجئ لما تكلم معها الا البنت تبكي؟ ههههههههههههههه
يقول شفيك قالت انا موب زوجتك ههههههههههههههههه بغى يجيه حالة اغماء مسكين
2- اذا ركبت معك زوجتك بالسياره " انتبـه تسوق بسرعه " خلك راكد وعاقل والدنيا موب طايره وكل شي ملحوق
طبعا ايام الصيف والاجازات تكون الدنيا زحمـة وقروشه خصوصا في الليل في بعض المدن " لاقدر الله تجي ماشي مسرع وتكسر ضلوع بنت الناس في عمود كهرب ؟؟ وليلة الزواج بعد " مالها داعي صراحه
3- اثباتاتك ومفاتيح الفندق او دراهمك او جوالك او كرت العائله او اي شي مهم ليلة الزواج .. لاتنساه ، وياليت تحط كل شي في السياره وتقفل عليه
4- حركات الي ماودي اقول .. يوم تحط بودره على قزاز السياره وقلوب وشمعات ومدري وشو .. ترى بطلوها من زماااان : حط للسياره تظليل زيرو3 للجوانب والخلفيه .. وزيرو 2 للواجهه .. وتحمل عاد حق ابو شهرين ثلاثه مخالفات عادي ..
لان البودره تلفت النظر وفي بعض الشباب الله يهديهم يتعمد يحتك في السيارات الي مثل كذا ..

ياليت اخوك او ولد عمك او اخو زوجتك بسياره وراك يمشي لحد ماتوصل للمكان الي تبيه .. للحالات الطارئه طبعا "
5- ابتسم واضحك وفك ابو العقده الي في وجهك ليلة الزواج واترك عنك التوتر الي ماله سنع " ترى عقب شهرين بتتهاوشوون صدقني من زود الميانه ههههه

6- اذا كنت مدخن حاول ماتدخن ليلة الزواج وتسوي لي فيها الحين كبير ومتزوج .. ومحد يقدر عليك وتدخن .. مالها داعي " هي تكون في اجمل هيئه وفي اعظم ليله في حياتك وانت ريحتك تصمخ الحمار
7- ابتعد عن كل مايسبب لك ازمة صحيه مفاجئه ليلة الزواج طبعا هذا الشيء بيد الله عز وجل لكن الحذر واجب ..
8- اذا كنت انسان عصبي واخلاقك اتش ... هدء اعصابك وروق واترك الاحتكاك والتعرض للمشاكل والتوتر الزايد
9- ابتعد عن بعض الحركات المستفزه لزوجتك لان الليله هذي تكون في نظر البنت خياليه مليئه بالرومنسيه والشاعريه / لاتنافخ لا تكون رسمي لا تستخدم الفاظ الامر ..
كن جاد في كلامك من ناحية التعبير عن مشاعرك وفرحتك بأجتماعك بزوجتك .. ولاتسوي تمون عليها مثل واحد من ربعك وتضرب على كتفها وتقول اهلييييييييين بأم الشباب منوره والله
10- حركات الافلام اترك منها / تشغل موسيقى ومدري وشو ، .. اترك المجال للكلام ـ سولف واضحك وابتسم ، وتكلم بأسلوب رايق ( وحسسها بالامان )
11 - بالنسبه للبنت في هذي الليله الاغلبيه يكونون خايفات ومتوترات بشكل كبير ، امتص هذا التوتر بالكلام ... لاحظ قلت (بالكلام )
12- وبعدين ترى ماراح ترجع بيتهم اليوم الثاني ، وكل تأخيره فيها خيره وكلكم فاهمين علي
13- لاتفسخ ملابسك اول ماتدخل من الباب وتبداء في حركات طرزان !؟ ، خلك طبيعي واركد

طبعا الكلام في الموضوع يطول " وماينهيه لاموضوع ولا اثنين " لكن هذي نبذه بسيطه ومفاتيح لليلة زواج هاديه وخاليه من المواقف المحرجه بأذن الله ... واتمنى لكم التوفيق بأذن الله ...
في امان الله ياكويسين ...